Сагаси ВягӀдализир гьандушибти жугьутӀунала бекӀлидиубти динна кьукьназибад цабехӀ саби. Парисейтала вакилти Халамажлислизи кабурхутири. Мусала Зегъала дурарад, парисейтани дебали дахъал мухӀлила бакьалаби-хабуртала тӀалабунира дурусли дузахъес къайгъибирусири. Динна гӀядатуни умули дузахъниличи илди чекабизурли хӀербикӀутири, ва саби диннис бедниличи ва чула кабизалачерти адаб-хӀяяличи илдани халаси пахрубирусири. Динна низам-кьяйда чумали хӀедузахъути адамти парисейтани имцӀати анцӀбукьуназиб мучлаагарбирутири.
