1 Израилла пача Даудла урши Сулайба буралаби:
2 ПасихӀдеш багьахъес, бяркъличи дикахъес ва гӀякьлула гъай аргъахъес багьандан; 3 духули вяшдикӀахъес, хӀялалтили диахъес, дархьти диъни иргъахъути насихӀятуни кьабулдарес багьандан; 4 дахъал хӀедагьуртас пикри-аргъала, жагьилтас – багьуди ва пикричебдеш дедес.
5 ПасихӀси лехӀахъили, сунела багьуди имцӀабирахъаб, иргъусили бархьси бяхӀчибиз касаб, 6айту-гъайра, багьирабира, пасихӀтала гъайра ва аргъес къиянти гъайра илини дагьаб. 7 Раббизибад урехи – багьудила бехӀбихьуд. Ахмахуна биалли пасихӀдешра бяркъра мучлаагардиру.
