Ерусалимлизивад Ерихоннизи увяхӀихъуси ца адам къачагъуна уциб. Илала палтарра керасили, витили, вебкӀес ветикахъиб, лайвакӀили, арбякьун. Баягъи ил гьуникад увяхӀихъуси ца кашиш, ил адам чеили, гьунила итил шайчивад арякьун. Левитлира дурусли ил бариб: вяхъибси адамличи гъамиуб, хӀеризур ва, итил шайчивад викили, арякьун. Ил гьуникад аркьуси ца самарияланни ил чеиб ва
уркӀецӀибариб. Иличи гъамиубли, дяхъурби, гьаланачи зайтунна гӀявадешлира чягъирлира дакили, дигьун, гӀур, сунела эмхӀечи мурдаватурли, карбансарайлизи киб ва илаб иличи хӀерудибариб.
ГӀергъила бархӀи, сай арукьяйчи, илини карбансарайла хужаимлис кӀел динар дедили, илизи иб: „Ишичи хӀерудибирен. Рахли харжлис гибти даъхӀедаалли, чариубхӀели гӀуррара лугас“».
ГӀур ГӀисани зегъачилизи иб: «ХӀела пикрили, къачагъунази викибсилис илди хӀяблизивад чидил гъамлив?» Илини иб: «УркӀецӀила вегӀ». ИлхӀели ГӀисани илизи иб: «Укьенну, хӀунира илкьяйдали бирен».
