Балга барес Аллагьла хъули кӀел адам бакӀиб: ца – парисей, цархӀил – хӀекь бурчан. Парисей, тӀашкайзурли, сунезив сай улгесвяхӀиб: „Я дила Аллагь! ЦархӀилти адамтачи: гъарачибачи, къалптачи, къехӀбадешлизи ахъибтачи, ит хӀекь бурчайчира валли, ну мешули хӀейънилис ХӀед баркалла биаб. Ну жумягӀли кӀийна дубурцулра, нуни тӀалаббарибсилизибад закат бедлугулра“. Тяйдили кайзурси хӀекь бурчанни биалли, закибяхӀ хӀерэсалра хӀейрулри. Ил, сунела михъирлизи вирхъули, викӀулри: „Я Аллагь, уркӀецӀибара бунагькарси набчи!“ Нуни хӀушази бурулра, парисей ахӀи, ил адам, Аллагьли марварили, сунела хъайгӀи арякьун. СенкӀун сунени сай халаиран, ил увяхӀварили вирар, сунени сай увяхӀируси чевяхӀварили вирар
